Vatnajökull þekur 8% af landinu

Laun 2016

Nú eru launin loksins komin á hreint fyrir sumarið! Tillaga um að hækka laun nemenda um 13,7% var samþykkt, í samræmi við aðrar launahækkanir hjá borginni. Launin fyrir þetta sumar eru því þessi:

Nemendur úr 9. bekk, fæddir 2001: 464 krónur á tímann

Nemendur úr 10. bekk, fæddir 2000: 617 krónur á tímann

Heildartímafjöldi fyrir sumarið er 105, dreift á 30 starfsdaga.

 

 

Birt 10. maí 2016

Opnað fyrir skráningar nemenda

Opnað hefur verið fyrir skráningar nemenda. Skráningar fara fram í gegnum Rafræna Reykjavík: https://rafraen.reykjavik.is/pages

Við vekjum athygli á því að eingöngu eitt starfstímabil er í boði að þessu sinni, en það er breyting frá því sem verið hefur síðustu ár. Daglegur vinnutími er líka breyttur en unnið verður hálfan daginn, ýmist fyrir eða eftir hádegi, viku í senn.

  • Starfstímabilið er frá 13. júní til 27. júlí. 
  • Daglegur vinnutími er 8.15-11.45 eða 12.15-15.45.

Við vekjum jafnframt athygli á því að laun hafa enn ekki verið ákvörðuð fyrir sumarið.

 Athugið að nemendum stendur ekki til boða að vinna eingöngu fyrir eða eftir hádegi á starfstímabilinu.

 

Uppfært 9. maí 2016

Skráningar í sumarstörf

Ráðgert er að opna fyrir skráningar nemenda miðvikudaginn 6. apríl næstkomandi. 

Líkt og síðustu sumur er það nemendum úr 9. og 10. bekk sem bjóðast störf í Vinnuskólanum.

Við vekjum athygli á því að breytingar verða á starfstímabilum og daglegum vinnutíma nú í sumar. Eitt starfstímabil verður í boði í stað tveggja áður en á móti verður eingöngu boðið upp á starf hálfan daginn. Mögulegur heildarstarfstími  nemenda verður því sá sami eða 105 klukkustundir. Við kynnum þessar breytingar betur síðar - athugið að upplýsingar hér á heimasíðunni hafa enn ekki verið uppfærðar í samræmi við þetta.

Kveðja,

Starfsfólk Vinnuskólans

 

 

Birt 1.4.2016